出發前在網上偶然發現這間museum, 之前一直都沒留意. 資料說如果只是購票參觀, 可免費試酒. 不過, 我對酒精有些少敏感, 加上對wine興趣不大, 因此, 我決定訂枱食飯. 由於網頁講明食只招待lunch兼且要訂枱, 於是, 我在出發前一天傳電郵去訂枱, 我列舉了在巴黎的日子, 結果呢, 對方回電郵說只有到埗第一天有位.
到埗那天我於早上6點多到達CDG, 入城後頂多只是7點多8點. 預約12點半吃飯, 絕對沒問題.
Museum of Wine在Passy metro附近, 出站落樓梯後向右行前幾步自然會見到有路牌指示. Museum 在一條橫街內, 門口細細, 由15世紀酒窖改建而成. 進內第一件事, 先往洗手間一行. 嘩, 差不多完全沒燈, 黑麻麻, 加上廁格極細, 如果極度怕黑或有claustrophobic者, 可能會給嚇倒. 而我在進入廁格後, 亦要稍為穩定一下心神, 再待眼睛適應一下這種黑暗, 方可以順利完成自己要做的事 :)
Lunch可以選擇套餐或 a la carte. 我選擇了35歐羅的套餐, 因為價錢包一杯sparkling wine及museum入場費. 套餐除wine外,有starter、main dish、甜品與咖啡. 不知道是因為肚餓還是太累關係, 這個「巴黎第一餐」滋味得很. 當職員知道我當天早上才剛抵埗, 額外多送我一杯咖啡.
飲飽食醉, 走進museum參觀. Museum 規模不大, 透過圖片及蠟像及歷史文物, 交待法國的釀酒史. 窄窄的通道, 一貫的燈光昏暗, 沿等忽然在某個陰暗角落見到蠟像, 膽小的獨行者甚有可能給嚇倒.
總括來說, 我很喜歡這間Museum of Wine, 下次去巴黎, 要再訂枱食多餐.
沒有留言:
張貼留言